lutuan, kainan, kwentuhan at kung anu-ano pa

Ang sarap ng mainit na pan de sal umaga. Pahiran lang ng konting Dari Creme o Star Margarine sabay sawsaw sa mainit na kape, almusal na. Yup, we can rightfully claim this soft smallish bread as very Pinoy.

Kaya lang halata kung ano ang breakfast mo pagdating mo sa opisina. Kasi kung hindi mo napansin, tadtad ng mumu ng bread crumbs and damit mo hehe.

But hey, pan de sal is not pan de sal kapag makinis ito at mukhang ulong kalbo. It’s not the same. Nakakalungkot kainin kapag hindi ka nagpagpag ng bread crumbs bago mo punitin ang tinapay at palamanan ng kung ano-ano.

Take note, I said punitin. You do not, as in don’t even dare, na gumamit ng bread knife para hiwain ang tinapay na ito. In my book, (my pan de sal book), that is considered blasphemy.

Noong araw daw, sabi ni Tatay, iisa lang ang size ng pan de sal. Nagkakatalo lang sa kapal ng bread crumbs sa ibabaw. At pare-pareho ang lambot nito, as in parang hangin lang ang laman.

Tandang-tanda ko pa (dahil bata pa ako eh masiba na ako), lalo na kapag hotdog ang palaman, dalawang pan de sal ang gagamitin ko. Pinipipi ko ang dalawang tinapay sabay iipitin ko ang hotdog na hinati sa dalawa (dahil masyadong mahaba… o kasi konti lang ang hotdog namin…hmmm).

This bread is the most versatile of all breads sa tingin ko. Bagay sa kanya ang ano mang palamang maisipan mo. My peyborit of all time, sardinas na pinigaan ng kalamansi at tinimplahan ng konting toyo.

Durugin ang nasabing delatang isda, ipahid sa pan de sal, voila! Langit! Wait, uulitin ko. Kailangang gutay-gutay ang sardinas, ha. Hindi masarap kapag buo. Ang matamis na bao naman o latik ay hindi kaakit-akit kung loaf bread ang gagamitin natin. Di bale na lang. Iuulam ko na lang sa mainit na kanin ‘yung latik, masaya pa ‘ko.

And have you tried condensed milk? Kung hindi pa, oy, you missed half of your life. Eto pa ang isa, itlog na maalat. I know it sounds yucky but you should give it a try.

Read more